பிரம்மாண்ட இயக்குனர் ஷங்கர் தற்போது பிரபல தெலுங்கு நடிகர் ராம் சரண் தேஜா நடித்து வரும் திரைப்படத்தை இயக்கி வரும் நிலையில் இந்த படத்தில் இடம்பெறும் ஒரே ஒரு காட்சிக்காக ரூபாய் 10 கோடி அவர் செலவு செய்துள்ளதாக தகவல்கள் வெளியாகியுள்ளன.

தமிழ் சினிமாவின் பிரம்மாண்ட இயக்குனர் ஷங்கர் என்பதும் அவரது படங்கள் பட்ஜெட் மிக அதிகமாக இருக்கும் என்பதும் தெரிந்ததே. ஷங்கர் இயக்கிய ஜீன்ஸ் என்ற படத்தில் ஒரே ஒரு பாடலுக்காக உலகில் உள்ள ஏழு அதிசயங்கள் இருக்கும் நாடுகளுக்கு சென்று படமாக்கியவர் என்பதும் அவரது படங்களில் இடம்பெற்ற பாடல்கள் மற்றும் சண்டைக் காட்சிகள் மிகவும் பிரமாண்டமாகவும் அதிக பொருட்செலவில் எடுக்கப்பட்டு இருப்பதால் தான் இன்றளவுக்கும் அவரது படங்கள் பேசப்பட்டு வருகிறது.

இந்த நிலையில் தற்போது ராம் சரண் தேஜா இயக்கத்தில் உருவாகி நடிப்பில் உருவாகி வரும் ’ஆர்சி 15’ என்ற திரைப்படத்தின் ஒரு ஸ்டண்ட் காட்சிக்காக ரூபாய் 10 கோடி ரூபாய் செலவு பிரமாண்டமாக படமாக்கியதாக தகவல்கள் வெளியாகியுள்ளன. ஒரு சில நிமிடங்கள் மட்டுமே திரையில் தோன்றும் இந்த காட்சிக்காக அவர் 10 கோடி ரூபாய் செலவு செய்து மிகவும் பிரமாண்டமாக இந்த ஸ்டண்ட் காட்சியை உருவாகியுள்ளதாக கூறப்படுகிறது.

ராம்சரண் தேஜா ஜோடியாக கைரா அத்வானி நடிக்கும் இந்த படத்திற்கு அனிருத் இசையமைத்து வருகிறார் என்பதும் இந்த படத்தின் கதையை கார்த்திக் சுப்புராஜ் எழுதியுள்ளார் என்பதும் தெரிந்ததே. ஸ்ரீவெங்கடேஸ்வரா புரொடக்ஷன் நிறுவனம் இந்த படத்தை பிரம்மாண்டமாக தயாரித்து வருகிறது.