బిగ్ బాస్ ఇంట్లోకి వెళ్లే ముందు కంటెస్టెంట్లందరినీ కూడా దాదాపు వారం నుంచి రెండు వారాల వరకు క్వారంటైన్ చేసిన సంగతి తెలిసిందే. ఈ క్వారంటైన్ సమయంలో ఉన్నప్పుడు కూడా వారికి ఫోన్ వాడే అవకాశాన్ని కల్పించారు. బిగ్ బాస్ ఇంట్లోకి వెళ్లే ముందు రోజు మాత్రం ఫోన్‌లను తీసేసుకుంది బిగ్ బాస్ టీం. అయితే కంటెస్టెంట్లందరూ కూడా అప్పటికే ఏర్పాట్లను పూర్తి చేసుకున్నారు. తమ తరుపున ఎలాంటి ప్రచారాలు చేయాలి, ట్రోలింగ్‌ను ఎలా ఎదుర్కోవాలి? ఇలాంటి వాటిపై ముందు వారి వారి టీంలకు డైరెక్షన్ ఇచ్చేశారు.

ఇక సిరి తరుపున తన లవర్ శ్రీహాన్ ఉన్నాడు. మొదటి నుంచి శ్రీహాన్ సోషల్ మీడియాలో సిరి కోసం పోరాడుతూనే ఉన్నాడు. సిరి మీద వస్తోన్న ట్రోలింగ్‌ను ఎదుర్కొంటూ ఆమెకు అండగా నిలబడ్డాడు. షన్ను, సిరి మీద ఎన్నో రకాల విమర్శలు వస్తోన్నాయి. కానీ శ్రీహాన్ మాత్రం బిగ్ బాస్ స్టేజ్ మీద ఎంతో మెచ్యూరిటీతో ప్రవర్తించాడు. షన్ను, సిరిల రిలేషన్ అర్థం చేసుకున్నట్టుగానే మాట్లాడాడు.

పైగా తన స్థానంలో షన్ను ఉండి.. సిరిని జాగ్రత్తగా చూసుకుంటున్నాడని శ్రీహాన్ అన్నాడు. ఇక సిరి కంటే ముందుగా షన్ను తనకు తెలుసు అని, తామిద్దరం ఎప్పటి నుంచో స్నేహితులమని అనేశాడు. మొత్తానికి శ్రీహాన్ ఫాలోయింగ్ మాత్రం విపరీతంగా పెరిగింది. ఓవర్ నైట్ స్టార్ అయ్యాడు. తాజాగా శ్రీహాన్ ఓ వీడియోను షేర్ చేశాడు.

బిగ్ బాస్ ఇంట్లోకి వెళ్లేముందు శ్రీహాన్‌తో సిరి వీడియో కాల్‌లో మాట్లాడింది. సిరి మాట్లాడిన మాటలు, పెట్టిన ముద్దులు ఆ వీడియోలో వైరల్ అవుతున్నాయి. మొత్తానికి సిరి మీదున్న ప్రేమను, సిరికి శ్రీహాన్ మీదున్న ప్రేమను ఇలా చూపించేశారు.