చాలా మంది డయాబెటిక్‌ పేషెంట్స్‌, షుగర్‌ కంట్రోల్‌లో ఉంచుకోవడానికి మందులు, ఇన్సులిన్‌పైనే ఎక్కువగా ఆధారపడతారు. మన వంటగదిలో ఈజీగా దొరికే సహజ పదార్థాలతోనూ.. రక్తంలో చక్కెర స్థాయులను కంట్రోల్‌లో ఉంచుకోవచ్చని నిపుణులు చెబుతున్నారు. దాల్చిన చెక్క.. షుగర్‌ పేషెంట్స్‌కు ఔషదంలా పని చేస్తుందని హోమియోపతి స్పెషలిస్ట్ డాక్టర్ స్మితా భోయిర్ పాటిల్ అన్నారు. డయాబెటిక్‌ పేషెంట్స్ దాల్చినచెక్క తినడం వల్ల కలిగే ప్రయోజనాలు, ఎలా తీసుకోవాలి అని వివరిస్తూ ఇన్‌స్టాగ్రామ్‌లో పోస్ట్‌ షేర్‌ చేశారు. దాల్చిన చెక్కలో యాంటీఆక్సిడెంట్లు పుష్కలంగా ఉంటాయని, ఇది రక్తంలో చక్కెర స్థాయిని నియంత్రించడంలో సహాయపడుతుందని డా. స్మితా భోయిర్‌ అన్నారు.

షుగర్‌ ఎంతుండాలి..

భోజనానికి ముందు – ఆరోగ్యంగా ఉన్న వ్యక్తి రక్తంలో 100 mg/dl కంటే తక్కువగా చక్కెర స్థాయులు ఉండాలి. అదే సమయంలో, డయాబెటిక్ పేషెంట్స్‌‌‌‌‌ రక్తంలో చక్కెర స్థాయి 80-130 mg/dl పరిధిలో ఉండాలి.
భోజనం చేసిన 1-2 గంటల తర్వాత – ఆరోగ్యంగా ఉన్న వ్యక్తి రక్తంలో 140 mg / dl కంటే తక్కువగా చక్కెర స్థాయి ఉండాలి. డయాబెటిక్ పేషెంట్స్‌‌‌‌‌ రక్తంలో చక్కెర స్థాయి 180 mg / dl కంటే తక్కువగా ఉండాలి.
దాల్చిన చెక్కతో షుగర్‌కు చెక్‌..

దాల్చినచెక్క ఆహారాన్ని రుచికరంగా మార్చడంతో పాటు పోషకాలు కూడా పుష్కలంగా ఉన్నాయి. టైప్ -2 డయాబెటిస్తో బాధపడుతున్న ప్రజలలో రక్తంలో చక్కెర స్థాయిని నిర్వహించడానికి ఇందులోని ఔషధ గుణాలు సహాయపడతాయి. దాల్చినచెక్క ఆహారాన్ని రుచికరంగా మార్చడంతో పాటు పోషకాలు కూడా పుష్కలంగా ఉన్నాయి. టైప్ -2 డయాబెటిస్తో బాధపడుతున్న ప్రజలలో రక్తంలో చక్కెర స్థాయిని నిర్వహించడానికి ఇందులోని ఔషధ గుణాలు తోడ్పడతాయి. దాల్చిన చెక్కలో ఉండే క్రోమియం శరీరంలోని గ్లూకోజ్ స్థాయుల్ని న్యూట్రల్‌ చేస్తుంది. దాల్చినచెక్కలో యాంటీ డయాబెటిక్‌ లక్షణాలు పుష్కలంగా ఉంటాయి. దాల్చిన చెక్కలో ఉండే.. పాలీఫెనాల్స్‌ గ్లూకోజ్‌‌‌‌‌‌‌‌‌‌‌‌‌‌‌‌ స్థాయులను తగ్గిస్తాయి.
ఈ సమస్యలతోనూ పోరాడుతుంది..

• రక్తంలో చక్కెరను తగ్గించడంలో సహాయపడుతుంది
• కొలెస్ట్రాల్ స్థాయిని తగ్గించడంలో సహాయపడుతుంది
• కీళ్ల నొప్పులను తగ్గిస్తుంది
• ఆక్సీకరణ ఒత్తిడిని తగ్గిస్తుంది
• ఇన్సులిన్ నిరోధకతను మెరుగుపరుస్తుంది

ఎలా తీసుకోవాలి..?

డాయాబెటిస్‌ పేషెంట్స్‌ దాల్చిన చెక్కను నీటీలో వేసుకుని తాగడం ఉత్తమ మార్గమని నిపుణులు చెబుతున్నారు. దీని కోసం ఒక గ్లాసు నీటిలో 2-అంగుళాల దాల్చిన చెక్కను వేసి రాత్రంతా నానబెట్టండి. ఉదయం ఖాళీ కడుపుతో ఈ నీరు తాగండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.