కేవలం మందులు వాడితే.. బీపీ కంట్రోల్‌లో ఉంటుందని చాలా మంది అనుకుంటారు. ఇలాంటి భావన ఉంటే.. మీరు పొరబడినట్లే. మంచి ఎక్స్‌అర్‌సైజ్‌, ఆహార నియమాలు పాటించకపోతే.. హైబీపీ మీ ప్రాణానికే.. డేంజర్‌గా మారుతుంది. హైపర్‌టెన్షన్‌ను కంట్రోల్‌లో ఉంచుకోవడానికి సరిపడా నీరు తాగడం చాలా అవసరమని నిపుణులు చెబుతున్నారు. బాడీ హైడ్రేటెడ్‌గా ఉంటే.. శరీరమంతా రక్తాన్ని పంప్‌‌ చేయడంలో గుండె మరింత సమర్థవంతంగా పనిచేస్తుందని అంటున్నారు.
నీళ్లు ఎన్ని తాగాలి..

ప్రతి రోజూ ఎనిమిది గ్లాసుల నీరు తాగాలని oliolusso.com ఎండీ, డా. మౌనికా వాసర్‌మన్‌ సిఫార్సు చేశారు. నీరు శరీరం నుంచి వ్యర్థాలను తొలగించడానికి సహాయపడుతుంది. సరిపడా నీరు తాగితే, రక్తంలోని అదనపు సోడియం తొలగుతుంది. శరీరంలో సోడియం స్థాయులు పెరిగితే.. హైపర్‌టెన్షన్‌ సమస్య పెరుగుతుంది.
క్రాన్బెర్రీ జ్యూస్..

హైపర్‌టెన్షన్‌ కంట్రోల్‌ చేయడానికి క్రాన్బెర్రీ జ్యూస్‌ సహాయపడుతుందని నిపుణులు చెబుతున్నారు. క్రాన్బెర్రీ జ్యూస్‌లో విటమిన్‌ సీ పుష్కలంగా ఉంటుంది. క్రాన్బెర్రీ జ్యూస్‌లోని యాంటీఆక్సిడెంట్లు ఇన్ఫ్లమేషన్‌ ఎదుర్కోవడానికి సహాయపడతాయి, రక్త ప్రసరణను ప్రోత్సహిస్తాయి. రక్త నాళాలను సడలించడంలో సహాయపడతాయి. ఇవన్నీ మీ బీపీని కంట్రోల్‌ చేయడానికి సహాయపడతాయి. క్రాన్బెర్రీ జ్యూస్‌‌‌ రోగనిరోధక వ్యవస్థను మెరుగుపరుస్తుంది. ప్రీ రాడికల్స్‌, ఆక్సీకరణ ఒత్తడికి వ్యతిరేకంగా పోరాడుతుంది. హానికరమైన బ్యాక్టీరియాను చంపడంలో సహాయపడుతుంది.
వ్యాయామం మంచిది..

చిన్నపాటి వ్యాయామం, ఉదయం,సాయంత్రం నడక.. రక్తపోటును నియంత్రించడంలో సహాయపడతాయి. వ్యాయామం గుండెను బలపరుస్తుంది. రోజూ వర్కవుట్‌ చేస్తే.. రక్తం ప్రసరణ బాగా జరుగుతుంది. రోజూ 30 నిమిషాల పాటు కార్డియో చేయడం వల్ల బీపీ కంట్రోల్‌లో ఉంటుంది. బరువు తగ్గడం వల్ల కూడా హైపర్‌టెన్షన్‌ అదుపులో ఉంటుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.