హానిచేసే ఆహార పదార్థాలు తక్కువగా తీసుకోవడం..

సాధారణంగా మనం ఆహార పదార్థాలకు టెంప్ట్ అవుతుంటాం. దీంతో మనం ఆరోగ్యానికి మంచిదా అనారోగ్య సమస్యలను తీసుకొస్తుందా అనేది మర్చిపోతాం. అధిక బరువుతో బాధపడే వాళ్ళు అనారోగ్యకరమైన ఆహార పదార్థాలకి దూరంగా ఉండడం కష్టం. అందుకే తక్కువ మోతాదులో మాత్రమే తీసుకోండి. ఎక్కువగా ఆరోగ్యకరమైన వాటిని మాత్రమే తీసుకోవాలి. ఇలా చేయడం వల్ల కూడా బరువు తగ్గొచ్చు.

అనారోగ్యకరమైన ఆహార పదార్థాలకి దూరం ..

బరువు తగ్గాలంటే అనారోగ్యకరమైన ఆహార పదార్థాలను దూరంగా పెట్టుకోండి. ఇలా దూరంగా ఉంచడం వల్ల ఏమవుతుందంటే మనం వాటికి దూరంగా ఉంటాం. మనం వాటిని మన దగ్గర పెట్టుకుంటే ఎక్కువగా మనం వాటిని చూసి తినేస్తూ ఉంటాం. కాబట్టి అలాంటి ఆహారాన్ని దూరంగా పెట్టుకోవడం కూడా మంచిపని. దీంతో బరువు తగ్గొచ్చు.

ఫైబర్ ఫుడ్‌‌తో బరువు తగ్గడం

ఫైబర్ ఎక్కువగా ఉండే ఫుడ్ :

ఫైబర్ ఎక్కువగా ఉండే ఆహార పదార్థాలు తీసుకోవడం కూడా ఆరోగ్యానికి మేలు చేస్తుంది. పైగా ఫైబర్ ఎక్కువగా ఉండే ఆహార పదార్థాలను తీసుకోవడం వల్ల బరువు కూడా తగ్గొచ్చు. స్టడీ ప్రకారం చూసుకున్నట్లయితే ఫైబర్ వల్ల త్వరగా బరువు తగ్గొచ్చని తెలుస్తోంది. ముఖ్యంగా ఫైబర్ త్వరగా బరువు తగ్గడానికి సహాయ పడుతుంది కాబట్టి ఎక్కువగా ఫైబర్ ఉండే ఆహార పదార్థాలను కొనుగోలు చేసి వాటిని తీసుకుంటే బరువు సులభంగా తగ్గడానికి అవుతుంది.

ఎక్కువగా నీళ్లు:

చాలా మంది నీళ్లు తాగడం, మరచి పోవడం, బద్ధకించడం చేస్తూ ఉంటారు. కానీ, నిజంగా ఆరోగ్యానికి చాలా మేలు చేస్తాయి నీళ్లు. నీళ్లను ఎక్కువగా తీసుకోవడం వల్ల బరువు తగ్గడం మాత్రమే కాదు. తక్కువ ఆహారాన్ని మాత్రమే మీరు డైట్‌లో తీసుకుంటూ ఉంటారు. ముఖ్యంగా మీరు ఆహారం తినే ముందు నీళ్లు ఎక్కువ తాగుతూ ఉంటే ఆహారాన్ని తక్కువ తీసుకోవడానికి అవుతుంది. స్టడీ కూడా ఇదే విషయాన్ని చెబుతోంది. ఆహారం తీసుకునే ముందు నీళ్లు తాగడం వల్ల తక్కువ తిని బరువు తగ్గొచ్చు లేదంటే మీరు నీళ్లకు బదులుగా ఏదైనా ఫ్లూయిడ్స్ ను కూడా తీసుకోవచ్చు.

తక్కువ ఆహారం :

చాలా మంది ఎక్కువ ఆహారాన్ని తీసుకుంటూ ఉంటారు. ఎక్కువ ఆహారాన్ని తీసుకుంటే త్వరగా బరువు పెరుగుతారు. అలా బరువు పెరిగి పోకుండా ఉండాలంటే ఆహారం తగ్గించండి.

ఎలక్ట్రానిక్ వస్తువులకి దూరంగా :

ఈ మధ్యకాలంలో చాలా మంది చేసే తప్పు ఇది టీవీ, సెల్ ఫోన్స్‌ని చూసుకుంటూ ఆహారం తీసుకుంటున్నారు. దీంతో ఎంత మోతాదులో ఆహారం తీసుకుంటున్నారనేది కూడా తెలియట్లేదు. ఇలాంటి వాటికి దూరంగా ఉంటే మనం తినే ఆహారం పైన శ్రద్ధ చూపించడానికి అవుతుంది. దాంతో మనం ఆకలి తగ్గిన తర్వాత ఆహారాన్ని మానేయొచ్చు. అంతే కానీ టీవీ, సెల్ ఫోన్స్, కంప్యూటర్ వంటి వాటి మాయలో పడిపోయి ఎక్కువ ఆహారాన్ని తీసుకుంటాం. కాబట్టి అధిక బరువుతో ఉన్న వాళ్ళు ఈసారి ఈ తప్పు చేయకుండా చూడండి. దీని వల్ల కూడా బరువు తగ్గడానికి అవుతుంది.

తగినంత నిద్ర :

నిజానికి ఆరోగ్యంగా ఉండాలంటే మంచి నిద్ర అవసరం మంచి నిద్రను పొందాలంటే మంచి ఆహారం తీసుకోవాలి. అలానే మంచిగా నిద్రపోవాలంటే నిద్ర పోవడానికి అరగంట ముందు ఎలక్ట్రానిక్ గ్యాడ్జెట్స్‌కి దూరంగా ఉండాలి. టీవీ, సెల్ ఫోన్ వంటి వాటికి దూరంగా ఉంటే మంచి నిద్ర పొందొచ్చు. అయితే ఒత్తిడి నిద్ర రెండూ కూడా ఆకలి మరియు బరువు పైన ప్రభావం చూపిస్తాయి. సరైన నిద్ర లేక పోవడం అధికంగా ఒత్తిడి ఉండడం వల్ల ఆకలి పైన ప్రభావం చూపిస్తుంది. ఇది బరువుపై కూడా ప్రభావం చూపిస్తుంది. కనుక ఈ రెండిటినీ జాగ్రత్తగా మేనేజ్ చేసుకుంటూ ఉంటే మంచిగా ఆరోగ్యంగా ఉండడానికి అవుతుంది.

షుగరీ డ్రింక్స్‌కు దూరంగా :

వీలైనంత వరకు షుగరీ డ్రింక్స్‌కు దూరంగా ఉండటం కూడా మంచిది. త్వరగా బరువును ఇవి పెంచేలా చేసేస్తాయి. కనుక ఇటువంటి వాటిని తీసుకోవద్దు. ఆరోగ్యానికి మేలు చేసే గ్రీన్ టీ వంటివి తీసుకోండి. సోడా వంటి వాటికి బదులుగా పండ్ల రసాన్ని తీసుకుంటూ ఉండండి.

చూశారు కదా వ్యాయామ పద్ధతుల్ని అనుసరించకుండా బరువు ఎలా తగ్గాలి అనేది. మరి ఈ విధంగా రెగ్యులర్ గా అనుసరించి బరువును కంట్రోల్లో ఉంచుకోండి. అధిక బరువు వల్ల ఈ మధ్యకాలంలో ఎన్నో అనారోగ్య సమస్యలు వస్తున్నాయని గుర్తుంచుకుని ఈ చిన్న చిన్న చిట్కాలను అనుసరించి ఆరోగ్యంగా ఆనందంగా జీవించండి. అనారోగ్య సమస్యల బారిన పడకుండా ఉండండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.