[ad_1]
హంగర్‌ పాంగ్స్‌ కారణం ఏమిటి..?
ప్రముఖ పోషకాహార నిపుణురాలు లవ్నీత్ బాత్రా హంగర్‌ పాంగ్స్‌ను నయం చేయడానికి కొన్ని ఆహార చిట్కాలను ఇన్‌స్టాగ్రామ్‌ పోస్ట్‌లో షేర్‌ చేశారు. మన శరీరంలోని ఆకలి హార్మోన్లు తరచుగా ఆకలి కలిగిస్తాయని అన్నారు. దీనికి చాలా కారణాలు ఉంటాయన్నారు. వీటితో పోరాడటానికి, మన శరీరంలోని శక్తిని స్థిరీకరించే.. పరిష్కారం కనుక్కోవాలని అన్నారు. మీకు తరచుగా ఆకలి అనిపిస్తే.. కొన్ని ఆహార పదార్థాలు తినాలని లవ్నీత్ బాత్రా సూచించారు. అవేంటో చూసేయండి.
బాదం..
బాదంలో యాంటీఆక్సిడెంట్లు, విటమిన్ ఈ, మెగ్నీషియం, ఆరోగ్యకరమైన కొవ్వులు, ప్రొటీన్లు, ఫైబర్ పుష్కలంగా ఉన్నాయని పోషకాహార నిపుణులు లవ్నీత్ బాత్రా అన్నారు. బాదంలో మెండుగా ఉండే.. ప్రొటీన్, ఫైబర్ రెండూ కడుపు నిండిన ఫీలింగ్‌ను పెంచుతాయి. బాదం తింటే.. విటమిన్ ఈ లోపం, మోనోశాచురేటెడ్ కొవ్వుల లోపం తగ్గుతుంది. ప్రతి రోజూ బాదం తింటే.. తరచుగా తినే.. సమస్య తగ్గుతుందని ఒక అధ్యయనం వెల్లడించింది.
కొబ్బరి..
కొబ్బరి.. చిరుతిండిలా తీసుకోవడానికి బెస్ట్‌ ఆప్షన్‌ అని పోషకాహర నిపుణురాలు లవ్నీత్ బాత్రా అన్నారు. ఇది తరచుగా ఆకలి బాధలను (hunger pangs) అణచివేయడానికి సహాయపడుతుందని చెప్పారు. కొబ్బరిలో ఉండే మీడియం చైన్ ట్రైగ్లిజరైడ్స్ (MCTలలో క్యాప్రిక్, క్యాప్రిలిక్, కాప్రోయిక్, లారిక్ యాసిడ్‌లు ఉన్నాయి) శరీరంలోని కొవ్వును వేగంగా కరిగిస్తాయి, ఆకలిని తగ్గిస్తాయి. దీనితో పాటు, కేలరీలు తగ్గుతాయి. కొబ్బరిలో ఫైబర్ పుష్కలంగా ఉంటుంది. ఇది కడుపును నిండుగా ఉంచుతుంది. కొబ్బరి తింటే.. హంగర్‌ పాంగ్స్‌ తగ్గుతాయని లవ్నీత్ బాత్రా అన్నారు.
మొలకెత్తిన శనగలు..
మొలకెత్తిన శనగల్లో ప్రొటిన్‌, ఫైబర్ పుష్కలంగా ఉంటుంది. ఇవి తింటే.. కడుపు నిండిన ఫీలింగ్‌ కలుగుతుందని పోషకాహార నిపుణురాలు లవ్నీత్ బాత్రా అన్నారు. ప్రొటిన్‌ జీర్ణం కావడానికి ఎక్కువ సమయం పడుతుంది, ఇది ఆకలి హార్మోన్లను నియంత్రించడానికి సహాయపడుతుంది. మీరు ఆహారం లిమిట్‌గా తీసుకునేలా చేస్తుంది. మొలకెత్తిన శనగలలో విటమిన్ బీ పుష్కలంగా ఉంటుంది.
మజ్జిగ..
మజ్జిగ.. ప్రోబయోటిక్ రిచ్‌ డ్రింక్. ఇందులో వెయ్ ప్రొటీన్ పుష్కలంగా ఉంటుందని పోషకాహార నిపుణులు లవ్నీత్ బాత్రా అంటున్నారు. మజ్జిగ తాగితే మీ ఆకలి తగ్గుతుంది. మజ్జిగాలో కాల్షియం, ప్రొటిన్‌ కంటెంట్‌ ఎక్కువాగ ఉంటుంది. ఇవి ఆకలిపై ప్రభావం చూపుతాయని అధ్యయనాలు చెబుతున్నాయి.
అవిసె గింజలు, వెజిటెబుల్‌ జ్యూస్‌..
హంగర్‌ పాంగ్స్‌ తగ్గడానికి, అవిసె గింజలు, వెజిటెబుల్‌ జ్యూస్‌ కలిపి తీసుకుంటే మంచిదని పోషకాహార నిపుణురాలు లవ్నీత్ బాత్రా సూచించారు. మన డైట్‌లో యాంటీఆక్సిడెంట్ల, ఫైబర్ తీసుకోవాలంటే.. వెజిటెబుల్‌ జ్యూస్‌ సులభమైన మార్గమని అన్నారు. ఇది మిమ్మల్ని నిండుగా ఉంచుతుంది, పేరు ఆరోగ్యానికి సహాయపడుతుంది. వెజిటెబుల్‌ జ్యూస్‌లో 1 స్పూన్‌ వేయించిన అవిసె గింజలు వేసుకుంటే.. ఇంకా హెల్తీగా మారుతుందని అన్నారు. అవిసె గింజలలో ఆరోగ్యకరమైన కొవ్వులు ఉంటాయి. అవి మన ఆరోగ్యానికి మేలు చేస్తాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link