![yoga for weight loss, Yoga for weight loss: ఈ ఆసనాలు వేస్తే.. బెల్లీ ఫ్యాట్ ఈజీగా కరుగుతుంది – these yogasanas will help in weight loss yoga for weight loss, Yoga for weight loss: ఈ ఆసనాలు వేస్తే.. బెల్లీ ఫ్యాట్ ఈజీగా కరుగుతుంది – these yogasanas will help in weight loss](https://karkey.in/wp-content/uploads/https://telugu.samayam.com/photo/msid-94856258,imgsize-46064/pic.jpg)
బరువు ఎక్కువగా ఉన్నవారు.. వెయిట్ తగ్గడానికి ఎన్నో ప్రయత్నాలు చేస్తూ ఉంటారు. వ్యాయామం చేయడం, బరువులు ఎత్తడం, వాకింగ్, డైటింగ్ చేయడం వంటివి చేస్తుంటారు. ఆహార నియమాలు పాటిస్తూ.. కొన్ని యోగాసనాలు చేస్తే ఈజీగా బరువు తగ్గుతారని నిపుణులు చెబుతున్నారు.
![yoga yoga](https://static.langimg.com/thumb/msid-94855989,imgsize-46064,width-700,height-525,resizemode-75/yoga-94855989.jpg)
ఉత్కటాసనం..
![Utkatasana Utkatasana](https://static.langimg.com/thumb/msid-94856018,width-680,resizemode-3/utkatasana-94856018.jpg)
వీరభద్రాసనం..
![Virabhadrasana Virabhadrasana](https://static.langimg.com/thumb/msid-94856064,width-680,resizemode-3/virabhadrasana-94856064.jpg)
ఈ ఆసనాన్ని యోధుల భంగిమ అని కూడా అంటారు. ఈ ఆసనం తొడలపై ప్రభావం చూపుతుంది. ఈ ఆసనం రోజూ ప్రాక్టిస్ చేస్తే తొడలలో కొవ్వు కరుగుతుంది.
ఎలా చేయాలి..
సమస్థితిలో నిలబడి శ్వాస తీసుకుంటూ కుడిచేతిని ముందు నుంచి స్ట్రెచ్ చేస్తూ పైకి తీసుకువెళ్లి, శ్వాస వదులుతూ కుడిచేతిని ఎడమకాలును సమాంతరంగా ఉంచి ముందుకు వంగాలి. నేలకు సమాంతరంగా వంగినపుడు కుడిచెయ్యి ఎడమకాలు స్ట్రెయిట్ లైన్లో ఉండటం గమనించవచ్చు. ఎడమచేతిని నడుము పక్కనే నిటారుగా ఉంచాలి. చేతివేళ్లు కూడా స్ట్రెచింగ్ పొజిషన్లో ఉండటం గమనించగలరు. 5 సాధారణ శ్వాసల తరువాత శ్వాస తీసుకుంటూ కుడిచేతిని పైకి ఎడమకాలును క్రిందకు, శ్వాస వదులుతూ కుడిచేతిని భూమివైపు చూపిస్తూ, కుడిపక్క నుండి క్రిందకు నడుము పక్కకి తీసుకురావాలి. మళ్లీ సమస్థితికి రావాలి. ఇదే విధంగా రెండోవైపు కూడా చేయాలి.
నటరాజసనం..
![natrajasana natrajasana](https://static.langimg.com/thumb/msid-94856121,width-680,resizemode-3/natrajasana-94856121.jpg)
ఈ ఆసనం తుంటి, తొడలపై ప్రభావం చూపుతుంది. నటరాజసనం తొడల లోపలి, బయటి భాగాల కండరాలకు వ్యాయామంగా సహాయపడుతుంది. ఈ ఆసనం మీ కటి నుంచి పాదాల వరకు కాలులోని ప్రతి కండరానికి టోన్ తెస్తుంది. ఇది పాదాలలో రక్త ప్రసరణను మెరుగుపరుస్తుంది. నడుముకు వ్యయామం అయ్యి సన్నబడుతుంది.
ఎలా వేయాలి..
ముందుగా నిటారుగా నిలబడాలి. ఊపిరి తీసుకుంటూ కుడి కాలిని వెనక్కి వంచి కుడి మడమని కుడి చేత్తో పట్టుకోవాలి. మీ కుడి కాలిని ఎంత పైకి లేపగలిగితే అంత పైకి లేపాలి. ఎడమ చేతిని ముందుకు చాచాలి. మామూలుగా శ్వాస తీసుకుంటూ ఇలా ఇరవై ముప్ఫై సెకన్లు ఉండాలి. నెమ్మదిగా మామూలు పొజిషన్ లోకి రావాలి. ఇలాగే మళ్లీ ఎడమ కాలితో కూడా చెయ్యాలి. ఇలా రెండు మూడు నిమిషాల పాటూ చేయడం మంచిది.
పర్వతాసనం..
![parvathasana parvathasana](https://static.langimg.com/thumb/msid-94856155,width-680,resizemode-3/parvathasana-94856155.jpg)
ఈ ఆసనం వల్ల రక్తప్రసరణ సాఫీగా సాగుతుంది. శరీర భాగాలు బిగుసుకుపోక, కదలికలు తేలికవుతాయి. ఈ ఆసనం ప్రాక్టిస్ చేస్తే.. బెల్లీ ఫ్యాట్ కరుగుతుంది. ఈ ఆసనం కొండ ఆకృతిని తలపించేదే పర్వతాసనం. ముందుగా నిలబడి మెల్లగా శ్వాస వదులుతూ రెండు చేతులూ రెండు పాదాల పక్కన పెట్టాలి. ముందు కుడికాలును, తర్వాత ఎడమకాలును వెనక్కి జరపాలి. పాదాలు పూర్తిగా కింద ఆనించి ఉంచాలి. తల, భుజాలు మోకాళ్ల వైపు వెళ్లాలి. వీపు, మోకాళ్లు వంచకూడదు. తిన్నగా ఉండేలా చూడాలి. ఈ స్థితిలో ఉండగలిగినంత సేపు ఉండి, మెల్లగా మోకాళ్లను కింద పెట్టేసి కూర్చున్న స్థితిలో రిలాక్స్ అవ్వాలి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Telugu News App: ఏపీ, తెలంగాణకు సంబంధించిన లేటెస్ట్ అప్డేట్స్, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్ను డౌన్లోడ్ చేసుకోండి.