ராஜமெளலி இயக்கத்தில் உருவாகி வரும் படம் ‘ஆர் ஆர் ஆர்‘. இதில் ராம்சரண், ஜூனியர் என்.டி.ஆர், ஆலியா பட், அஜய் தேவ்கன், ஸ்ரேயா சரண் உள்ளிட்ட பலர் நடித்துள்ளனர். டிவிவி நிறுவனம் பெரும் பொருட்செலவில் பிரம்மாண்டமாக இந்த படத்தைத் தயாரித்துள்ளது. ரசிகர்கள் மத்தியில் மிகப்பெரிய எதிர்பார்ப்பை கிளப்பியுள்ள இந்தப்படம் நாளை மறுதினம் வெளியாகவுள்ளது.

ரசிகர்கள் மத்தியில் மிகப்பெரிய எதிர்பார்ப்பினை ஏற்படுத்தியுள்ள ‘ஆர் ஆர் ஆர்’ படத்தின் மேக்கிங் வீடியோ அண்மையில் வெளியாகி பெரும் வைரலானது. தமிழ், தெலுங்கு, இந்தி உள்ளிட்ட அனைத்து மொழிகளிலும் ஒரே சமயத்தில் இந்தப் படம் வெளியாகவுள்ளது. ‘ஆர் ஆர் ஆர்’ படத்திற்கு கீரவாணி இசையமைத்துள்ளார்.

‘ஆர்.ஆர்.ஆர்’ படத்தில் பாடல் ஒன்றுக்காக ஐந்து மொழி பாடகர்கள் ஒன்றிணைந்தனர். தமிழில் அனிருத்தும், மலையாளத்தில் விஜய் யேசுதாஸும், ஹிந்தியில் அமித் திரிவேதியும், தெலுங்கில் ஹேமச்சந்திராவும், கன்னடத்திலும் யசின் நசிரும் பாடியுள்ளனர். அதனை தொடர்ந்து அண்மையில் ‘ஆர்.ஆர்.ஆர்’ படத்தின் கிளிம்ப்ஸ் வீடியோ ஒன்றும் வெளியானது.

சூர்யா பட வாய்ப்பை தட்டித் தூக்கிய அனிருத்: வேற லெவல் சம்பவம் இருக்கு..!
‘பாகுபலியை’ மிஞ்சும் வகையில் இந்தப்படத்தில் பல பிரம்மாண்டங்களை நிகழ்த்தியுள்ளார் ராஜமெளலி. இதனால் படத்தின் வெளியீட்டிற்காக வெறித்தனமாக காத்திருக்கின்றனர் ரசிகர்கள். இந்நிலையில் நாளை மறுதினம் ‘ஆர் ஆர் ஆர்’ படம் வெளியாகவுள்ள ஸ்ரீகாகுளம் பகுதியில் உள்ள சூர்யா தியேட்டர் ஒன்றில் ரசிகர்கள் தங்கள் இருக்கையை விட்டு திரைக்கு அருகில் செல்லாமல் இருக்க இரும்பு முள்வேலி தடுப்புகள் அமைக்கப்பட்டுள்ளது.

பிரபலங்களின் படங்கள் வெளியாகும் முதல் நாளில் ரசிகர்களை சமாளிப்பது தங்களுக்கு மிகப்பெரிய சவாலாக இருப்பதாக தியேட்டர் உரிமையாளர்கள் புலம்பி வருகின்றனர். இந்நிலையில் தெலுங்கானாவில் ‘ஆர் ஆர் ஆர்’ படம் வெளியாகவுள்ள திரையரங்கில் முள்வேலி தடுப்புகள் அமைக்கப்பட்டிருப்பது தமிழ் ரசிகர்கள் மத்தியில் ஆச்சரியத்தை கிளப்பியுள்ளது.